PAGKAING PANG-ENERGY
Article and Video: Dr Willie Ong at ABS-CBN Salamat Dok
Tayong mga Pilipino ay mahilig sa kanin. Ngunit alam ba ninyo na sa ibang parte ng mundo ay hindi sila kumakain ng kanin?
Heto ang iba pang carbohydrates na puwedeng magbigay ng lakas sa atin.
1. Mais – Ang mais ay napakataas sa fiber na magpapabusog sa atin. Ang pagiging dilaw ng mais ay dahil sa sangkap nitong Vitamin A at lutein na mabuti sa mata.
2. Patatas – Ang patatas ay mataas sa potassium at iron. Ang potassium ay nakatutulong sa paggalaw ng masel at pagtibok ng puso. Ang iron ay kailangan ng ating pulang dugo (red blood cell). Ngunit hindi masustansya ang French fries dahil naiprito ito sa mantika at nilagyan ng maraming asin.
3. Kamote (sweet potato) – Ang kamote ay kulay orange dahil sa taglay nitong carotenoids at Vitamin A. Ang carotenoids ay isang sangkap na maaaring makatulong sa pag-iwas sa kanser sa baga, kanser sa balat at kanser sa prostate.
4. Saging – Masustansya ang lahat ng klase ng saging tulad ng saba, lakatan at latundan. Makatutulong ang saging sa may ulcer o nangangasim ang sikmura dahil tinatapalan nito ang ating tiyan. Ang saging ay nagpapasaya at nagpapa-kalma sa atin. Ang saging ay mayaman din sa potassium na kailangan ng mga nag-e-ehersisyo.
Para sa dagdag tips, Like Dr Willie Ong's Health Tips
Subject: PAGKAING PANG-ENERGY 
July 26th 2014, 11:15 am
Histats.com END
PH Peso Exchange Rate